一年一度的澳門國際藝術節又到，大家除左要左度右度睇下點樣買先最抵，
又要密鑼緊鼓諗定點樣撲飛...
記得有一年公開發售前一晚有住0係廣星附近既親戚話已經從高空望落去見到條人龍，
當時係夜晚12點幾...心諗:"洗唔洗咁誇張呀？" （註：聽朝10點先開始發售）
雖然唔知點解要咁誇張，但為左唔想買唔到飛，決定第二朝晨早就要去排...
結果真係晨咁早7點幾就去到，我去離島戈間，真係有條人龍，仲擔曬櫈仔坐0係度等，
不過睇清楚d...大部分都係外藉女傭！原來大家為左買到心水演出既靚飛，竟然有此一著！
今屆藝術節既飛明早10點開售，唔知大家見到呢條 ”外傭人龍“未呢？
